Updated on Dhjetor 31, 2015
Pse bota ka nevojë për Firefox
Ky postimi është marrë dhe përshtatur nga anglishtja nga Harry Chapman. Postimi origjinal mund të gjendet në blogun e tij. Imazhet GIF janë marrë nga Giphy.
Kam menduar shpesh kohët e fundit se pse bota ka nëvojë për Firefox, dhe si Firefox mund t’i “shitet” njerëzve të thjeshtë të cilët nuk e dinë definicionin e softuerit me burim të hapur (open source) dhe për më tepër, se si funksionon. Sfida për Firefox, dhe Mozilla, qëndron pikërisht në përmbysjen e këtij trendi të frikshëm:
Mund të këtë disa arsye që pengojnë rritjen e Firefox (ose madje mbajtjen stabël të përqindjes së tregut që ka); është perceptimi i përhapur që Google Chrome është “thjesht më i mirë”. Për më tëpër; Chrome vjen i instaluar në pajisjet Android dhe është i disponueshëm dhe për Apple iOS.
Në kontrast, me Firefox, një përdorues potencial duhet të “vrasi mendjen” me instalimin e Firefox në Android, dhe përtej kësaj nuk është (ende) i disponueshëm në iOS (dhe kjo për shkak të kufizimeve nga Apple).
Gjithashtu, Google ka një rrjet gjigand reklamash mbi të cilin përpiqen t’ua mbushin mendjen shikuesve të provojnë Chrome “për të qenë më të shpejtë”; një strategji të cilën Mozilla nuk e ndjek dot me aq burime që ka në dispozicion.
Do të eksplorojmë arsyet pse na nevojitet konkurencë shfletuesish (browsers), paralelizmat midis betejës në të cilën ndodhet Firefox sot dhe asaj në të cilën ishte në vitet 2000 kundër Internet Explorer, si dhe strategjitë që Firefox mund të ndjeki për të ndaluar uljen e numrit të përdoruesve të tij.
Retrospektivë: Pse konkurenca luan rol
Padyshim që nxjerrja në pah të përfitimeve nga konkurenca në tregun e shfletuesve të internetit është ndihmesë.
Pyetja që mund të shtrohet është: Pse të na interesojë nëse Google Chrome dominon tregun e shfletuesve kur kushdo ka mundësinë për të ndërruar shfletuesin?
Nëse një shfletues bëhët tëpër dominues, shumë njerëz që krijojne produkte që kanë të bëjnë me internetin, priren të mos e vrasin mendjen më për shfletues të tjerë. Për shembull, programuesit do të ndalojnë së testuari në mënyrë të duhur produktet e tyre pasi supozojnë që shumica e klienteve të tyre përdorin Chrome.
Një problem tjetër me dominimin e tregut nga një shfletues është fakti që programuesit/pronarët e atij shfletuesi do të kenë një influence të jashtëzakonshme mbi rregullimin e standarteve të web-it. Nëse një shfletues me një përqindje tregu të madh nuk është i hapur për të adoptuar një standard web-i të ri, mund ta ndalojë implementimin më të gjerë të këtij standardi në përgjithësi.
Kur nuk ka konkurrentë të rëndësishëm, rritet tundimi për të shpenzuar më pak energji dhe burime për përmirësimin e produktit. Pse të vrasësh mendjen kur njerëzit do të përdorin produktin tënd pavarësisht çfarë bën? Kjo ishte situata kur Internet Explorer 6 ka qenë mbreti i tmerrshëm i shfletuesve.
Microsoft nuk u mundua të përmirësonte atë pasi çdokush e përdorte gjithsesi. Kjo ndryshoji kur Firefox hipi mbi skenë dhe solli konkurencën aq të nevojshme në treg.
Një betejë ‘ndryshe’ kësaj radhe
Lufta e mëparshme e shfletuesve ka qenë një luftë shumë më e lehtë se sa kjo tani. Eshtë kundërvenë produkti qartazi superior (Firefox) me një produkt që kishte vite pa ndryshuar (Internet Explorer). Eshtë e vështirë t’i kujtosh ato ditë kur shfletimi me tab-e ka qenë luks, dhe çdokush kishte katër a pesë dritare të Internet Explorer hapur në të njëjtën kohë.
Këtë herë ama, lufta e shfletuesve është shumë më e padallueshme.
Produktet duken shumë të ngjashme, veçanërisht pasi Firefox lançoi para pak kohesh përditësimin “Australis”, i cili kishte ekskluzivisht tab-e me cepa rrethorë. Të dy shfletuesit (Chrome dhe Firefox) kanë qenë pjesë e një trendi për thjeshtimin e ndërfaqjes së përdorimit duke hequr elementë të ndryshme me qëllim “një eksperiencë përdorimi jo të mbingarkuar. Të dy shfletuesit lejojnë të sinkronizosh historinë tëndë të shfletimit, password-et dhe add-ons midis pajisjeve.
Pjesë e diferencës midis shfletuesve është fakti që karakteri i Chrome dhe Firefox janë tëpër të ndryshme. Firefox zhvillohet nga Mozilla Corporation, me mbështetje nga Mozilla Foundation. Ndërsa Chrome normalisht është krijuar nga Google, një përbindësh gjigand zvarritës i një kompanie interneti, që ka tentakulat e tij më shumë mundësi në çdo aspekt të jetës tëndë online. Në thelb, zhvilluesit e Firefox janë të motivuar nga një dëshirë për të bërë internetin një hapësirë më të mirë e të hapur për të gjithë.
Ndërkohë komandanti i Chrome është Google në fund të fundit. Normalisht që prioritet për Google është të bëjë sa më shumë para. Chrome është një makineri që i ofrohet njerëzve për të përdorur shërbimet e Google, dhe këta të fundit kanë interes në promovimin e këtyre shërbimeve, gjë që është në dëm të të tjerëve.
Një arsye tjetër pse Firefox është përfundimisht më i mirë se Chrome, është në parimet që ka Firefox për burimin e hapur (open source). Firefox ka burim kodi të hapur deri në thelb, ndërsa Chrome është softuer i hapur (Chromium), me disa elemente të patentuar e të mbyllur shtuar.Problemi qëndron në mënyrën se si mund të komunikosh këto diferenca (aspak sipërfaqësore) te njerëzit e thjeshtë. Është shumë më e veshtirë të nxjerrësh në pah avantazhet e dallueshëm që ka Firefox mbi Chrome, krahasuar me avantazhet që ka Firefox mbi Internet Explorer 6. Privatësia mund të jetë elementi që veçon Firefox-in këtu.
Avantazhi konkurues i Firefox
Mëgjithëse Firefox ka plotë funksione fantastike, mendoj që avantazhi konkurues i Firefox është respekti që ka për privatësinë e përdoruesve të tij. Firefox kujdeset për mbrojtjen e përdoruesve të tij. Për shembull, funksioni i ndjekjes (tracking) të lejon të ndalosh reklamues jo të hijshëm të të ndjekin online. Mjafton vetëm një rregullim i vogël në konfigurimet about:settings. Firefox gjithashtu të lejon të bllokosh cookies të personave të tretë. Ndërkohë, Chrome, dhe rrjedhimisht Google, kanë interes në ndjekjen e aktivitetit tënd në internet që të krijojnë një imazh të qartë rreth zakoneve të tua për reklama potenciale.
Në thelb, zgjedhja midis Firefox dhe Chrome është një zgjidhje midis disa veglave që duken shumë të ngjashmem por në fakt janë shumë të ndryshme. Një vegël respekton privatësinë tënde dhe është ndërtuar nga një komunitet, ndërsa tjetra është edhe një vegël që ndihmon një kompani të bëjë më shumë para nga ty.
Mendoj që zgjedhja është shumë e qartë në këtë pikë.
-
Andi Blloshmi
-
Elio Qoshi
-
Elio Qoshi
-
Andi Blloshmi
-
Elio Qoshi
-
Andi Blloshmi
-
Elio Qoshi
-
Andi Blloshmi
-
Elio Qoshi
-
Andi Blloshmi
-
Elio Qoshi
-
Andi Blloshmi
-
-
-
-